((( ماهوو الكيف )))

[عبدالعزيز السرحان الشمري]

بسم الله الرحمن الرحيم

السلام عليكم ورحمة الله وبركاته


هذي قصيده للشاعر عدوان ابن الهربيد السويدي الشمري الله يرحمه لأنه توضح للمدخنين وشو (الكيف) اللي يدورنه بشرب الدخان , ويعلمهم أن (الكيف) هي القهوة وعلوم الرجال هي الكيف الحقيقي أتمنى تنال إعجابكم .


ياشارب التنباك شربه مهو كيف
يامدور الطـولات مابـه شكايـل

لاجالي هـم ولا مقـري ضيـف
ولامودع خـط الردييـن طايـل

اعلمك بالكيـف يادايـر الكيـف
الكيف دربه مايبـي لـه دلايـل

اعلمك بالكيـف يادايـر الكيـف
دنيين نجور الماو فوق النثايـل

اعلمك بالكيـف يادايـر الكيـف
بني الرباع السود ويـا المدايـل

بارباعهن بيض الدلال المهاديف
مشروبهن وقع السحاب الشخايل

فنجالهن يشدا خضاب الغطاريف
ورسن صبغ بكفوف شقر الجدايل

وصينيه يقلط عليهـا مراديـف
وحب اللقيمي فوق عصبان حايل

اعلمك بالكيـف يادايـر الكيـف
ركب العقايليـات والـدل مايـل

اعلمك بالكيـف يادايـر الكيـف
حط الكبن والجوخ فوق الاصايل

اعلمك بالكيـف يادايـر الكيـف
ضربت عدوك بالجموع الثقايـل

اعلمك بالكيـف يادايـر الكيـف
تدليل حد السف في كـل عايـل

مع ربعة تفرق حساب المواليـف
واليا تلاقو فوق شهب الصايـل

اعلمك بالكيـف يادايـر الكيـف
شقحا من الخفرات شقرا جدايـل

اعلمك بالكيـف يادايـر الكيـف
شي تخلق من ضلوع الشوايـل

اعلمك بالكيـف يادايـر الكيـف
يامدور المشهور هـذا الصمايـل


منقول

[نايف عبيد الشمري]

حياه بسيطه كان الكيف فيها القهوه والزقاره وما بينمها يتنافسان

ولا تهمهم مشاغل الدنيا التي شغلت حياتنا

صح لسانك .. وشكراً على النقل

[فارس العذم]

فنجالهن يشدا خضاب الغطاريف
ورسن صبغ بكفوف شقر الجدايل

صح لسان الشاعر

[عبدالعزيز السرحان الشمري]

شكرا علي المرور كل من
نايف عبيد الشمري
فارس الجذيلي

[طارق الشمري]

فنجالهن يشدا خضاب الغطاريف
ورسن صبغ بكفوف شقر الجدايل

صح لسان الشاعر

[حمد نون الجشعمي]

اعلمك بالكيـف يادايـر الكيـف
ركب العقايليـات والـدل مايـل

اعلمك بالكيـف يادايـر الكيـف
حط الكبن والجوخ فوق الاصايل

اعلمك بالكيـف يادايـر الكيـف
ضربت عدوك بالجموع الثقايـل

اعلمك بالكيـف يادايـر الكيـف
تدليل حد السف في كـل عايـل

الله على الشاعر وعلى النقل الاجمل من روعه

[الملكة]

يسسلموو عي القصييده الررائعه

[محمد الصايحي]

مشكور الموضوع الطيب

[نايف الشمري]

حياه بسيطه كان الكيف فيها القهوه والزقاره وما بينمها يتنافسان

ولا تهمهم مشاغل الدنيا التي شغلت حياتنا

صح لسانك .. وشكراً على النقل

[عبدالعزيز السرحان الشمري]

شكرا علي المرور الجميع