سعد العذم
08-12-2013, 04:19 PM
دراسة مهايطية ! - بقلم : محمد خلف الشمري
الرجل: "والله حالة الظاهر ان بعض ربعنا مايرتاحون لين تصير كل الناس تحسدنا!"
الشايب: "خير على شنهو? شنهو الجديد, هي وين راحت الديون اللي محدبة ظهور المواطنين, الله يسمع منك يارب طيحوها".
الرجل: "الله يسمع منك ياحجي والله حنا اللي طحنا من حيلنا, اما الديون وعيون خلق الله كل مالها تكثر وتزيد دوران اللهم ياكافي".
الخبير: "ايه ياعم بس خلاص انتم بتلعبوا كورة واحد يباصي للثاني! ماتقول وتخلصنا فيه بنهارك الاغبر اللي مالوش ملامح"!
الرجل: "انتم ما سمعتوا بنتائج الدورة الاولى لمسح الدخل والانفاق الاسري اللي تقول ان متوسط الانفاق الشهري للاسرة الكويتية نحو 3723 ديناراً ينطح دينار شهريا, وحاطينها بالتفصيل من الاكل الى الاحذية مرورا بالاتصالات والتبغ والايجار وكهرباء وماء".
المعاق: "هههههه انا راتبي نحو الالف دينار واعرف ناس كثير مثل حالتي!.. الظاهر ان اهل هالدراسة ماهم عايشين بالكويت معانا?".
الشاب: "ليش لا, يمكن دراسة صحيحية لو عكسناها? بمعنى ان الاسرة الكويتية خلال ظروف الغلاء المسيطرة تحتاج الى هالمبلغ ولهذا انا اؤيد هذا الطرح, والله للاسف هالدراسات رايحة فيها! الاحبة هم ماحددوا عدد افراد الاسرة الواحدة?"
الشايب: "ياجماعة الخير احمدوا ربكم على هالنعمة اللي انتم فيها غيركم مو لاقي ياكل ولا يلبس حنا بديرة خير وعز ما فيه مثلها".
الخبير: "انا باضم صوتي لصوت الحج واشد على ايديه, وبافكره بان الراجل الكويتي شايف نفسه حبتين, الراجل ما معاهوش ويعمل نفسه مليونير وهو ماعندوش بجيبو نص دينار حتى. وعيشته مرتبطة ارتباطاً كلياً بالراتب اللي بخمسة منه بح وطار مع الهواء شاشي... نوبة يغير الموبايل ونوبات عربيات الدليفري واصلة حد باب بيته, وده غير فشخرت الصحاب باللف على المطاعم, فاكر نفسه ملك زمانه وهو ماعندوش غير راتبه وياليت بيجي كامل من خصميات الغياب وغيرها, والله حرام عليكم يااهل الدراسة دي برضه ده كلام يخش العقل 3723 ديناراً بالشهر?".
المعاق: "ودي اصدق بس قوية! هم ناسين ان حنا موظفين حكومة? بسكم مبالغة وضحك على الدقون! اخاف الجماعة مسوينها على معاشات النواب على بالهم ان اغلب الشعب صاروا نواب من كثر انتخاباتنا! لا يايبه اصحوا واتقوا الله فينا لا تفتحون عيون الدول علينا ترى حنا قريب ياكلنا القمل, واللي مو مصدق يشوف بعيونه حال بعض عيالنا عند برنامج مدفع الافطار, يوميا وشلون يتناهبون القرقيعان والهدايا مناهب كلهم يبون هم لو عندهم ما كان هذا حالهم".
الشايب: "ان جاء الصج فالدراسة ناكسه للمرح هم مايدرون ان راتب اعلى متقاعد مايوصل للالفين دينار! ايه عرفت السر يمكن الجماعة مسوين دراستهم على كم واحد من اللي ياخذون رواتب عالية من اهل الطبقة المخملية وعمموها على كل الكويتيين, الظاهر ماعندهم خبر ان الكويتيين فيهم تفرقة بالوظايف والرواتب, ناس شهايدها وحدة وواحد يقبض اربعة الاف وواحد شهادته نفسها ماعنده واسطة يستلم الف وخمسمية دينار, وختاما اقول لاي واحد يبي يسوي دراسة عليه ان يتوجه الى المناطق الخارجية, وخصوصا اللي فيها بيوت دخل محدود ويسوي دراسته".
المتمولس: "بعض هالحريم لو قحت بنتها قالت عين ماصلت على النبي, وبنتها لو داومت بالعسكرية بدل اخوها محد درى عنها... ومع ضحك الجميع رفع على مسامعنا الشيخ زغلول اذان الظهر".
الرجل: "والله حالة الظاهر ان بعض ربعنا مايرتاحون لين تصير كل الناس تحسدنا!"
الشايب: "خير على شنهو? شنهو الجديد, هي وين راحت الديون اللي محدبة ظهور المواطنين, الله يسمع منك يارب طيحوها".
الرجل: "الله يسمع منك ياحجي والله حنا اللي طحنا من حيلنا, اما الديون وعيون خلق الله كل مالها تكثر وتزيد دوران اللهم ياكافي".
الخبير: "ايه ياعم بس خلاص انتم بتلعبوا كورة واحد يباصي للثاني! ماتقول وتخلصنا فيه بنهارك الاغبر اللي مالوش ملامح"!
الرجل: "انتم ما سمعتوا بنتائج الدورة الاولى لمسح الدخل والانفاق الاسري اللي تقول ان متوسط الانفاق الشهري للاسرة الكويتية نحو 3723 ديناراً ينطح دينار شهريا, وحاطينها بالتفصيل من الاكل الى الاحذية مرورا بالاتصالات والتبغ والايجار وكهرباء وماء".
المعاق: "هههههه انا راتبي نحو الالف دينار واعرف ناس كثير مثل حالتي!.. الظاهر ان اهل هالدراسة ماهم عايشين بالكويت معانا?".
الشاب: "ليش لا, يمكن دراسة صحيحية لو عكسناها? بمعنى ان الاسرة الكويتية خلال ظروف الغلاء المسيطرة تحتاج الى هالمبلغ ولهذا انا اؤيد هذا الطرح, والله للاسف هالدراسات رايحة فيها! الاحبة هم ماحددوا عدد افراد الاسرة الواحدة?"
الشايب: "ياجماعة الخير احمدوا ربكم على هالنعمة اللي انتم فيها غيركم مو لاقي ياكل ولا يلبس حنا بديرة خير وعز ما فيه مثلها".
الخبير: "انا باضم صوتي لصوت الحج واشد على ايديه, وبافكره بان الراجل الكويتي شايف نفسه حبتين, الراجل ما معاهوش ويعمل نفسه مليونير وهو ماعندوش بجيبو نص دينار حتى. وعيشته مرتبطة ارتباطاً كلياً بالراتب اللي بخمسة منه بح وطار مع الهواء شاشي... نوبة يغير الموبايل ونوبات عربيات الدليفري واصلة حد باب بيته, وده غير فشخرت الصحاب باللف على المطاعم, فاكر نفسه ملك زمانه وهو ماعندوش غير راتبه وياليت بيجي كامل من خصميات الغياب وغيرها, والله حرام عليكم يااهل الدراسة دي برضه ده كلام يخش العقل 3723 ديناراً بالشهر?".
المعاق: "ودي اصدق بس قوية! هم ناسين ان حنا موظفين حكومة? بسكم مبالغة وضحك على الدقون! اخاف الجماعة مسوينها على معاشات النواب على بالهم ان اغلب الشعب صاروا نواب من كثر انتخاباتنا! لا يايبه اصحوا واتقوا الله فينا لا تفتحون عيون الدول علينا ترى حنا قريب ياكلنا القمل, واللي مو مصدق يشوف بعيونه حال بعض عيالنا عند برنامج مدفع الافطار, يوميا وشلون يتناهبون القرقيعان والهدايا مناهب كلهم يبون هم لو عندهم ما كان هذا حالهم".
الشايب: "ان جاء الصج فالدراسة ناكسه للمرح هم مايدرون ان راتب اعلى متقاعد مايوصل للالفين دينار! ايه عرفت السر يمكن الجماعة مسوين دراستهم على كم واحد من اللي ياخذون رواتب عالية من اهل الطبقة المخملية وعمموها على كل الكويتيين, الظاهر ماعندهم خبر ان الكويتيين فيهم تفرقة بالوظايف والرواتب, ناس شهايدها وحدة وواحد يقبض اربعة الاف وواحد شهادته نفسها ماعنده واسطة يستلم الف وخمسمية دينار, وختاما اقول لاي واحد يبي يسوي دراسة عليه ان يتوجه الى المناطق الخارجية, وخصوصا اللي فيها بيوت دخل محدود ويسوي دراسته".
المتمولس: "بعض هالحريم لو قحت بنتها قالت عين ماصلت على النبي, وبنتها لو داومت بالعسكرية بدل اخوها محد درى عنها... ومع ضحك الجميع رفع على مسامعنا الشيخ زغلول اذان الظهر".