بتعرف من اشجع الشجعان .. دش

وسال الامير في ذلك العصر من هو أشجع الشجعان في رأيكم ؟؟

طبعا قالوا الامام عبدالعزيز رحمه الله تعالـــى..*

المهم انه كان من ضمن الجلوس رجل طاعن في السن...

وكان بجانبه ايضا رجل مسن فكان الاول هو ابو اثنين من ( قبيلة سبيع الشهيره ) وكان الاخر من الدوشان من قبيلة مطير ...

قال يا طويل العمر اشجع الشجعان انا بقوللك قصته وكيف اخذ هذي الشجاعه....

قال الامير تفضل :

قال كنت رئيس لحرس الامام عبد العزيز في ذلك الوقت وكانت عشيرة الاسلم من شمر مشاغبه وقررنا ان نبعث لها سرية تؤدبها.. هي وزعيمها ابن طواله*

وفعلا ارسلنا سرية ولم يعود منها الا شخص واحد !!

وارسلنا سرية بعد سرية وكانت نفس النتيجه .. لا يعود لنا الا شخص واحد !

فقرر الامام ان يجهز جيش لغزوها*

وكنت انا المسؤل عن تنظيم هذا الجيش ...
ويقول ابو ثنين بما معناه*
وفي ذلك الوقت كنت من اشجع الرجال في عز صحتي ولم اعرف الخوف ابدا في حياتي....مطلقا

جهزنا الجيش وكنت المسؤل عن التنظيم وفعلا انطلقنا حتى نؤدب ابن طواله وقومه وكنت في اثناء المسيره اتمن على الجيش تارتا اذهب في اول الجيش واخرى في اخره..

وكان الامام كثيرا من الوقت معي وفي اثناء طريقنا رأينا قوما ....

وفي جانبهم فارس قد توسد الارض تحت فرسه...

وعندما اقتربنا كثيرا منهم عرفنا انهم قوم ابن رشيد ......

واذا بالذي كان بعيدا عنهم هو عبد العزيز بن متعب بن رشيد ....... (( الجنازه ))*

حين رآنا قام وركب فرسه ولحق بنا*

يقول السبيعي والله لم اعرف الخوف الا هذه المره وخوفا غير طبيعي

فهربنا بجيشنا وهو يلحق بنا لوحده ؟!*

يقول حين لحق باخر الجيش وكنت من ضمنهم*

نظرت واذا الفارس الذي بجانبي لم يبقى من جسمه الا النصف التحي*

وقد طار النصف الاخر من ضربت سيف هذا الفارس !

يقول تحسبت للضربه القادمه ان تكون بي فشددت على فرسي*

حتى تمكنت من الهرب وقد تفرق من سلم من جيشنا الكثير وتشتتنا*

يقول هذا يا طويل العمر من هو اشجع الشجعان*

الذي افزع جيش كامل لوحده وملا الرعب بقلوبنا.... الامير عبد العزيز المتعب الرشيد( الجنازه)*


قالوا عن شجاعته :*

شفت انا الخليـج وكل مابـه
سفن وضعون وبدوٍ راحليني

شفت عبدالعزيز اللي زهابه*
قطعة ٍ من حديد الفرقديني

يسبع الناس من زود المهابه
كن داخل عيونه شعلتيني

يوم طوّح شماغه والعصابه
صاحت أجبال حايل يامعيني

اكثر الناس بالدنيا تشابه
وهو ماله شبيـه إلا ثنيني

الرعد يوم يرزم بالسحابه
والصخر يوم عيّا لا يليني*

قال الشاعر والفارس زيد بن غيّام المطيري يصف شجاعة عبدالعزيز الجنازه :*

يامن خبر خيّال يسوى الف خيال
مع الف فارس كل ابوهم مشاكيل*

عبدالعزيز الشمري ماضي الافعال
اللي ضحايا والدينه رجــــاجيـــل*

ليت العذارى حمل ٍ منه عيـــال
وإلا بلاش من اضنا ليتهم حِـيـــل*

قال صالح السكيني من أهالي المجمعه يرثى الجنازه بعد مقتله :*


مرحوم ياللي تطعن الخيل يمناك
لاحل فصلِ في نهار المثارا

راعي الهليب اللي جذت به تمناك
اللى نسى كل المراجل وحارا

((ما ركب فوق الخيل يا أمير شرواك ))
(( عند العرب والترك هم والنصارا ))

قيست من رايك وحدرت الأتراك
أهل الكروب مخربين الديارا

الله يعوضك بالعفو عقب دنياك
وأرجي عسى لك عند ربك وقارا

لو البكا من مات رده بكيناك
بالحزن نبتل ليلنا والنهارا

مرحوم ياشيخَ كبارَ عطاياك
يامال طيب ياعشير السكارا

يازينة الدنيا وياعز من جاك
مرحوم يامغني الضعوف الفقارا

يانجد عقب مبيّد الهجن عفناك
اللي يجر محجلات المهارا

بعناك بيعة مرخص ثم ننساك
الا ان ظهر متعب سواة النهارا

جيناك وأغليناك لو غلي مشراك
والا الديار يبدلن بالديارا

مانيب بو عيله ولانيب ملاك
ولانيب مربوط برجلي هجارا

أنا خفيف الحمل وأسعى بالأفلاك
والذل يبرك فوق ولد الحبارا

يانجد خيرك مايكفي خطاياك
خيرك يجي مره وشرك مرارا

وان سلم راس امهدي الصعب صفاك
متعب يبي حكمه وله طلب ثارا

ياشيخ يلي تو عمرك ومنشاك
ناشي على منشا الشيوخ الكبارا

أرجي عسى حظك يوافق لممشاك
بالعدل وسيوفك تنثر شرارا

آمين ياللي كل عبد برجواك
أنت الخيار ولا غيرك خيارا

تعطيه من عزك ونصرك وحسناك
ياالله يامعطي العطايا الكبارا

يامتعب أتعب ثم تعب سباياك
والعز فوق مطيرات الكرارا

قالوا هل البلدان كثرت جناياك
مات الأمير وبقي غوش صغارا

والحمد للي في معاديك قداك
ضربت ضربات تقص الفقارا

سيف لنا ولكل جملة دناياك
ذات الفقارا اللي عليه الممارا

ياسعد شمر يوم ظهرك مولاك
مثل الحيا ترجع عليه الديارا

يابن الملوك وسايس الحكم بارياك
جدك خيار ولك عمام خيارا

نعد عدك لين حنا وصلناك
عدو لله الشكر ما يجارا

وشهد شاهداً من أهلها !!!!
مع انه لا يحتاج شهاده من أحد فهو
<> فارس <> شجاع <> داهيه <> ذكي وسياسي حرب <> مرعب <>
والمعارك الكثيره تشهد .. له بذلك ...
[ وعزالله ان الشاهد ما ظلم نفسه وماقال : الآ .. الحقيقه والامير لا يخفاه من هو أشجع الشجعان ؟ و سأل ليعرف رآي الجميع بذلك !!
و منه المنافق ؟ وتبين له ان الجميع منافقون بمدح الأمام .. وعلمَ.. رئيس الجيش ، ان الامير سوف يكشف المنافق !! وآلمه ضميره وقال : سوف ادلو بشاهدتي حتى لا يعتبرني معهم منافق والحق يقال :
( قل الحق ولو على نفسك )

( تعليق ويليق لـمآ جرىٰ وكلهم في الخرعه
.... سوا )
تقولون ليه ؟ اقول لكم : هذا الله يسلمكم ،، ريس الحرس شافله شي ما عمره شافه بحياته اصلاً !! وهو على حصانه التفت وراه يمار هذا الفارس البطل لاحقهم لحاله .صـدِّق كـذِّب .اي والله صدْق ويأمر عليهم بقولة : لعنبوكم انحاشو . العمر ياشامان ، و الجيش ينحاش واللي شاركو ! يقولون القواله : ما عمرهم جلسو !! سوا عند أهلهم الله لايبلانا بس يركضون تقول مجنن 👹👹 ) وبالتالي صابهم مرض يسمونه مرض الخرعه وماتو عسكر الجيش اللي شاركو،، بس هو من الله بقى ، علشان يقول : القصه وقاله : ومات على طول سبحانه ومن الخرعه كان اول بس يتحلم وهو .. نيم .. انه منقطع نصين ماينلام ، من شوفة الداهيه !! ماينام بالليل من الخرعه !!
و يقولون : بعد ماتزوج جاء له ضنا و صارت بهم خرعه اكيد انه وراثه !! اللي يشوفن يقول : اني معهم هههه
_____________________________

وين انت انا مـنهان منهان لاهـنت
منهان من شخص عجز لايـهيـنك
أرجع ورجع مجد ماضي كما كنت
ورجـع مـن المـديون للـناس ديـنـك
<> المرحوم : الـرمـالي <>
________________
أبسعدكم لــ أكثر من ذلك ولكم خالص تحياتي ،، وشكراً أخي :
<> احمد الجنيدي <>على النقله الحلوه اللي تونس ونحنُ بــ الإنتظار !!!

لكل زمن رجاله



يابوفهد تبكيك صفر الدلالي = وتبكيك بنتٍ تنقش الخد بالعود
وتبكيك صفراً كنها ام الغزالي = اللي تهز الذيل والراس مشدود
مهوب عند مبيعين الشيالي = اللي تجايرهم حلاتيت وجلود
تراه عند مهذبين العيالي = اللي يعضون النواجد على الجود
صادة الازمع بمرهفات السلالي = بين البيارق حاظرٍعنده شهود
ياسبيع يامال ذهاب الحلالي = بدعي عليكم كل ماهبت النود

اترككم مع قصيده الشاعر الأمير طلال الرشيد رحمه الله التي اعتبرها تكفي عن الكلام الكثير



يــا صـغـيّــر مــا يـكـبـرنــي لـقــب
ومـا يـصـغـرنـي إذا انـكـرنـي صـغـيــر


مـا خـذيـنـا الـصـيـت مـن جـمـع الـذهـب
ولا نـسـابــة شـيــخ او قـربــة امـيــر


كـاسـبـيـنـه مـن هـل الـسـيـف الـحــدب
لـجـايــز كــان مــا جـــاك الـنــذيــر


صـيـتـهـم نـجـم ٍ عـلـى رأســه لـهــب
مـعـوا الـصـقـهـان بـه واجـهـر ضـريــر


بـالـوفـا تـاريــخ أبـيــض يـنـتـصــب
ا حـكـوا بـالـحـق حـيـيــن الـضـمـيــر


ضـيـغـمـيـن لـلـسـنـاعـيـس انـتـسـب
لابــةٍ طـلـنــا بـهــا عــرش كـبـيــر


عـنـد حــدك يــا كـثــر الـهــرج تــب
ا تـمــر الــنــار وثـيــابــك حــريــر


كــان لــك عــز بــذلــي فـتـعــقــب
الله ألا تـبــطــي وحـبــلــك قـصــيــر


احـسـبـنــك مــن صـنـاديــد الــعــرب
اثـر سـاتـرتــك عـبـاتــك يــا غـريــر


مـا حـســب لـلـســوس زراع الـقـصــب
الـقــراده مــا درى عـنـهــا الـبـعـيــر


ولـو حـسـبـنـا لـلـحـسـايـف والـتـعـب
ا بـذرنـا يـا الـعـصـافـيــر الـشـعـيــر


عـن هـلـلـك ابــراي لـلــه واحـتـســب
لـرجــال الـلــي مـجـارهــم عـســيــر


مـن قـريـش الـمـصـطـفــى وابـولـهــب
الـدغـالـب مـا غـشــت عــذب الـغـديــر


لـلـرجـال مــن الـرجـاجـيــل الـعـتــب
الـزكــاة تـحــل فــي حــال الـفـقـيــر


لـعـنـبــو وقــتٍ غـديـنـابــه حـطــب
حــرقــه نـــار يـثــورهــا اجــيـــر


مـا ألـومــك والـزمــن ســوى الـعـجــب
و بـقـى غـيـر الـكـرامــه بـالـجـفـيــر


مـــا أذل وراســـي يــشــم الـمــهــب
و بـقــى مــن شـمــر طـفــلٍ غـريــر


مــا اهــاب ولا يـزلـزلــنــي غــضــب
لـشـجــاعــه ورث الـعــاقــل غــزيــر


يـا صـغـيـر مـا يـكـبّــر بـالـلـقـلــب
ر مـن هــو كــان مــن دونــه صـغـيــر


رحمك الله يا طلال الرشيد

ايو الله اشجع الشجعان ولا فيه مثله :

بالسيف في شبه الجزيره تسلطنت
اخضعت اهلها وملكنه يدينك
مثلك ولد والله فلا جابته بنت
لا شك عين يمهلنك سنينك
؟؟؟؟؟؟؟؟؟؟؟

وكبيرهم ....... اليا سمع طاريك
ويجوض ........................
ومن الخوف تسمع صياح .....
س/ اكمل الفراغ ...... ؟