((( ماهوو الكيف )))
 

بسم الله الرحمن الرحيم

السلام عليكم ورحمة الله وبركاته


هذي قصيده للشاعر عدوان ابن الهربيد السويدي الشمري الله يرحمه لأنه توضح للمدخنين وشو (الكيف) اللي يدورنه بشرب الدخان , ويعلمهم أن (الكيف) هي القهوة وعلوم الرجال هي الكيف الحقيقي أتمنى تنال إعجابكم .


ياشارب التنباك شربه مهو كيف
يامدور الطـولات مابـه شكايـل

لاجالي هـم ولا مقـري ضيـف
ولامودع خـط الردييـن طايـل

اعلمك بالكيـف يادايـر الكيـف
الكيف دربه مايبـي لـه دلايـل

اعلمك بالكيـف يادايـر الكيـف
دنيين نجور الماو فوق النثايـل

اعلمك بالكيـف يادايـر الكيـف
بني الرباع السود ويـا المدايـل

بارباعهن بيض الدلال المهاديف
مشروبهن وقع السحاب الشخايل

فنجالهن يشدا خضاب الغطاريف
ورسن صبغ بكفوف شقر الجدايل

وصينيه يقلط عليهـا مراديـف
وحب اللقيمي فوق عصبان حايل

اعلمك بالكيـف يادايـر الكيـف
ركب العقايليـات والـدل مايـل

اعلمك بالكيـف يادايـر الكيـف
حط الكبن والجوخ فوق الاصايل

اعلمك بالكيـف يادايـر الكيـف
ضربت عدوك بالجموع الثقايـل

اعلمك بالكيـف يادايـر الكيـف
تدليل حد السف في كـل عايـل

مع ربعة تفرق حساب المواليـف
واليا تلاقو فوق شهب الصايـل

اعلمك بالكيـف يادايـر الكيـف
شقحا من الخفرات شقرا جدايـل

اعلمك بالكيـف يادايـر الكيـف
شي تخلق من ضلوع الشوايـل

اعلمك بالكيـف يادايـر الكيـف
يامدور المشهور هـذا الصمايـل


منقول

حياه بسيطه كان الكيف فيها القهوه والزقاره وما بينمها يتنافسان

ولا تهمهم مشاغل الدنيا التي شغلت حياتنا

صح لسانك .. وشكراً على النقل

شكرا علي المرور كل من
نايف عبيد الشمري
فارس الجذيلي

فنجالهن يشدا خضاب الغطاريف
ورسن صبغ بكفوف شقر الجدايل

صح لسان الشاعر

اعلمك بالكيـف يادايـر الكيـف
ركب العقايليـات والـدل مايـل

اعلمك بالكيـف يادايـر الكيـف
حط الكبن والجوخ فوق الاصايل

اعلمك بالكيـف يادايـر الكيـف
ضربت عدوك بالجموع الثقايـل

اعلمك بالكيـف يادايـر الكيـف
تدليل حد السف في كـل عايـل

الله على الشاعر وعلى النقل الاجمل من روعه

مشكور الموضوع الطيب

حياه بسيطه كان الكيف فيها القهوه والزقاره وما بينمها يتنافسان

ولا تهمهم مشاغل الدنيا التي شغلت حياتنا

صح لسانك .. وشكراً على النقل

شكرا علي المرور الجميع