ابن الطنايا الرجاء الرد الصريح

السلام عليكم ورحمة الله وبركاته
اولا جوابك غير وااااضح
انا سألتك هل عائلة. ( الحادور ) من قبيلة شمر وانت تقول مناسبين شيوخ الجشعم
سؤالي واااظح ولا عندي لف ودوران ولا يعلم النيات الا الله
هل الحادور شمر ام لا ؟؟!!!
اذا كانوا شمر قول شمر
واذا كانوا غير ذلك قول
لان الرجل مذممني
واسمي ناصر محمد الميموني
واللي سائلني عنهم واحد من الجماعه
فلو سمحتخل اجابتك صريحه ومباشره
ومن غير لف ودوران
تحياتي

قلت لك الانترنت مو مكان مناسب للسؤال عن امور الزواج

وانا ماني ابو شمر علشان احدد منو شمري ومنو غير شمري

قلت لك رح لشيخ الجشعم واسأله عن اللي تبيه

هذي سلوم الناس يسألون شيوخ القبايل

أو يسألون أشخاص ثقة من القبيلة

مو يسألون عن الانساب بالانترنت

اللي اعرف ومتأكد منه

ان الحادور من حمايل الجشعم الاصيلة

هل تقسم بالله العظيم ان الموضوع

موضوع سؤال بخصوص خطبة و زواج

وتقسم بالله العظيم

انك ماتبي تشوه سمعة المرشح الحادور

اخوي انت مو وكيل ولا محامي عن الرجال

الرجال عنده لسان ويروح يسأل

وبالنسبة لاصلك تقول ميموني

ميموني مطيري أو ميموني شمري

لان عندنا في قبيلة شمر الميامين

واحدهم ينقاله الميموني

السلام عليكم

من سياسة و شروط الموقع مثل هذى الامور لابد من الشخص ان يذول أسمة الكمال في الموضوع او في الخاص للادارة

السلام عليكم ورحمة الله وبركاته
اولا:اخوي ( ابن الطنايا ) انا ميموني مطيري ماني شمري لأني لو اني شمري مادخلت موقعكم وسألتكم ياشمر عن الحادور
ثانيا: اقسم بالله لا قصدي تشويه او نقص اي شخص
ثالثا: هذا منتدى عام تطرح فيه مثل هذي الاسئلة ،، انا لاسبيت احد ولا غلطت على احد الله يجزاك خير
فماله داعي يكون ردك انا ماني ابو شمر عشان اقول هذا شمري ولا مو شمري
المفروض اذا كان عندك علم انهم شمر تقول المعلومه اللي عندك بدون هالكلام الله يسلمك عرفت علي
واذا كنت لاتعلم قول لا اعلم
لأن سؤالي وااااضح وصريح هل عائلة الحادور ينتمون لقبيلة شمر؟؟
واقسم بالله ان الموضوع موضوع خطبه
رابعا: ترا سؤالي مافيه عيب ولا غلط اذا كان الحادور درجعون لشمر ونعم فيهم
واذا كانوا يرجعون لغير ذلك ونعم فيهم
فماله داعي التشاحن والنفس الشينه الله يجزاكم خير
وارجوا الرد من قبل الاشخاص اهل العلم اللي يعرفون شنو مرجعهم بالظبط
والسلام عليكم ورحمة الله وبركاته